शहरं

शहरं

उन्हं खात बसता येईल अशा जागा आहेत का तिथं

गर्दीपासून दूर

सुंदर वाटतं का तिथं

लाऊड नाहीना वाटत

रस्त्यांना कशासारखा वास येतोय

बाया कसे कपडे घालतात

छान आहेत का त्या

तुला आवडतं का तिथं

तू सोडू शकशील का ते शहर

जर मी आले तर मला

आवडेल असं आहे का

घरापासून दूर एकटं असताना

आपण एक्स्चेन्ज करतो शहरं

जशा शपथा

हिरोशिमातील हॉटेल रूम

एक थंडगार मोठी रूम तुमच्याकडे पाठ फिरवून पडलेली

प्रेतासारखे ताठ पडलेले दोन बेड

भयंकररीत्या दुमडून ठेवलेले किमोनोज, त्यांची प्रत्येक घडी

आहे एक धारदार सुरी आणि

प्रकाश पडलाय, जसा की काळोखात भोसकल्याच्या खुणा

ही रूम काहीतरी भयानक घडण्याची वाट पाहतेय

आज झोपूही नाही शकणार ही रात्र

अखंड वाहताहेत नळ

कुणाचं तरी रक्त समुद्राकडे वाहून जातंय