मन्या जोशी

कृती

१

खून झालाय

एस्टॅब्लिश झाले

कोणी केला कसा

माहिती नाहीतर

२

गुप्ता अंकल बी िंवग

४०७, वय जास्त कमी

विधवा सून, बायको

दोघी कामावर

गुप्ता अंकल लॅपटॉपवर

नेटफ्लिक्सवर दिवसभर

शेजारी दळवीसर

समोर करमरकर

३

करमरकर : आपण शकच्या दायर्‍यावर

दळवीसर : म्हणजे

करमरकर : क्लोजेस्ट नेबर, खुनाच्या वेळी, एकाच फ्लोअरवर

दळवीसर : पण मोटिव्ह?

करमरकर : शोधला की सापडेल

दळवीसर : कुछ भी.

करमरकर : प्स्स्.

४

कोणाला सोडतील तर ते कसले पोलीस

सगळ्या बििंल्डगवाल्यांची जबानी घेतली

जसे सगळेच खुनी किंवा अकम्प्लिस

५

माझा मित्र म्हणाला

तू नाही ना केलास

मग बस.

चल बसू.

आहे उसंत कुठे आता बसायला

आहे वसंत कुठे आता दिसायला

कुणी मारलं असेल गुप्ता अंकल तुम्हाला?

६

मी मुखवटा चढवतो हसायला

७

शकची सुई दोघांवर

दळवीसर आणि करमरकर

८

पोलीस इन्व्हेस्टिगेशन चालू आहे

बरेच दिवस झाले

दळवीसर आणि करमरकर

सुखात आहेत

गुप्ता अंकलच्या फ्लोरवर

सोसायटीमध्ये संशय

गुप्ता अंकलची सून

शकची सुई घुसून

सून हसते, उगीच बघते,

कुछ भी.

९

करमरकर टेक्स्टमध्ये घुसतात

कुछ भी. कुछ भी.

दळवीसरांना सुनेबरबर

टेक्स करताना

नंगेहाथ

पकडतात

शकची सुई

अडकवतात

१०

बसायला थांबलेला मित्र

म्हणतो, जिथे खायचे

तिथे

हागायचे नसते

बोल लवकर

कधी बसायचे

११

धडधडत्या हृदयाने

मी फ्लॅटमध्ये शिरताना

आहे उसंत कुठे आता बसायला

कुछ भी करून पाहिजेच

प्रेमाला कृतीत उतरवायला

नाही येत बोलता जिथे;

देअरॉफ वन मस्ट बी सायलंट.