Table of Contents
डॉल्फिन परतले
डॉल्फिन परतले व्हेनिसच्या कालव्यात
मी काल रात्री कल्कीला पाहिला
रेड झोनमधून ग्रीन झोनमध्ये शिरताना
मास्क घालून घोड्यावर
एका हातात तलवार दुसर्यात सॅनिटाईझर
त्याच्या घोड्यानेही मास्क घातलेला
डॉल्फिन परतले व्हेनिसच्या कालव्यात
पण एखाद वेळेस लॉकडाऊनही संपेल पण
माझ्या मनातला क्वॉरन्टाइन नाही संपणार कधीच
मी माझ्या कोरड्या कालव्यात वाट बघत बसतो
पण डॉल्फिन कधीच नाही परतणार माझ्या भकास कालव्यात
डॉल्फिन परतले व्हेनिसच्या कालव्यात
आणि माझ्या डोळ्यांसमोर मी पाहिला
मास्क युगापूर्वीचा समाज कालबाह्य होताना
डॉल्फिन परतले व्हेनिसच्या कालव्यात
आणि मी स्वप्नात पाहतो
चालू असलेल्या झूम मीटिंगमध्ये
माझेच शेकडो चेहरे
मास्क घातलेले
मी पाहतोय हाताच्या बोटांचे डॉल्फिन होताना
त्यांच्या तोंडावरही कोणीतरी मास्क बांधलेत
ते आता कधीच गाणार नाहीत गाणी
माद्यांना रिझवण्यासाठी
की बाळांना झोपवण्यासाठी
डॉल्फिन परतलेत
पण कालवे आता तेच राहिले नाहीत
आणि माहितीसारखी तू अनप्रेडिक्टएबल इररिव्हर्सएबल
जिथे वासना होते रिडनडंट
जिथे काया असते व्हर्च्युअॅलिटी
अन् आत्मा हा विठ्ठलाची बायनरी अनअॅवेलएबिलिटी
आणि आता मन कुठे इतरत्र धावेलच कसं
तू जरी असशील मृगजलाची गंगोत्री डिजिटल
आणि संतुलन हरवलेलं असेल
माझं स्टोकॅस्टीक मन
पण तुझ्या बाहेरचं
हे कोरडं कोडगं जग स्ट्रेनज अॅट्रॅक्टर
पुन्हा आणून सोडतं मला
जिथे मी पूर्वी होतो
आयुष्य असं रिकरसिव असतं
मृत्यू ते मृत्यूमधली जागा असते
प्रâेकटल
सनी लिओनी आणि लॉरेन्झचं फुलपाखरू
सहाराच्या वाळवंटात कुठेतरी
लॉरेन्झच्या फुलपाखरानं पंख फडफडवलं यामुळे
चीनमध्ये आलेल्या चक्रीr वादळासारखी तू
येऊन धडकलीस आमच्या हँग झालेल्या
जागतिक खेड्यात
थर्मोडायनामिक्सच्या सगळ्याच नियमांपलीकडे
तुझं साम्राज्य
एंट्रोपीपेक्षाही सुंदर तू
मृत्यूसारखी
नाश्ता रेडीय
माझं प्रेम
पांढर्या शुभ्र रिकाम्या कप बशीसारखं
मुकाट्यानं टेबलावर बसलंय
मी माझ्या हृदयाचं अंड फोडून
ओततो कपात सोनेरी रस
आणि एक करप्ट सूर्य
रिकाम्या कपात
ब्रेडच्या स्लाइसमध्ये राहून गेलेत
माझे हॅक झालेले डोळे
दुपारी वेळ मिळाल्यावर त्यांचे पासवर्ड बदल
